الاشتراك والدفع

الباقات

في نافذة 🎟️ حسابي هتلاقي نوعين:

• الباقة الأساسية — اشتراك بمدة وعدد توليدات، مكتوبين على الباقة نفسها.
• توليدات إضافية — رصيد زيادة لو حصتك خلصت قبل التجديد. ليها مدة صلاحية مكتوبة عليها، وبتتضاف لرصيدك على طول.

الأسعار الحالية مكتوبة جوه النافذة نفسها.

الدفع بإنستاباي

الدفع بتحويل إنستاباي، والتفعيل بيتعمل يدوي بعد ما نتأكد من التحويل.

1. افتح 🎟️ حسابي واختار الباقة.

2. حوّل المبلغ المكتوب بالظبط بإنستاباي على العنوان اللي ظاهر في النافذة.

3. انسخ رقم العملية من إيصال إنستاباي.

4. ارجع للنافذة واكتب: رقم العملية، والمبلغ اللي حوّلته، وتاريخ التحويل.

5. اضغط 📨 ابعت الطلب. الطلب هيظهر في جدول طلباتك بحالة «⏳ بيتراجع».

6. أول ما نتأكد من التحويل الباقة بتتفعّل، وهتشوف شريط «اشتراكك اتفعّل» فوق الصفحة.

اكتب رقم العملية صح

رقم العملية هو اللي بنطابق بيه التحويل. انسخه من الإيصال زي ما هو. نفس الإيصال ما بيتقبلش في طلبين.

ملاحظة

طول ما عندك طلب بيتراجع، النافذة مش هتسمحلك تبعت طلب تاني لحد ما الأول يخلص.

التجديد

• قبل ما الاشتراك يخلص: لما يقرّب يخلص، بيظهر شريط فوق الصفحة بتاريخ انتهائه. لو جدّدت بدري، الاشتراك الجديد بيبدأ بعد ما الحالي يخلص — مش بيضيع عليك أيام.
• بعد ما يخلص: التوليد بيقف، وبيظهر شريط إن الاشتراك انتهى، وجنبه زرار 🎟️ حسابي يفتحلك الباقات. وصفاتك المحفوظة بتفضل زي ما هي.

الحصة خلصت قبل التجديد؟

اشتري توليدات إضافية من نفس النافذة بنفس الطريقة. بتتضاف على طول بعد التفعيل، والتوليد بيتخصم من اللي هينتهي الأول.