حسابي

This content is not available in your language yet.

زرار 🎟️ حسابي في الهيدر بيفتح نافذة حسابي والباقات. الكلام اللي على الزرار نفسه بيلخّص حالتك من غير ما تفتحه.

حالة الحساب

أول مربع في النافذة بيقولك حالتك، وتحته إيميلك.

اللي مكتوب	معناه
⏳ حسابك مستني موافقة الإدارة	حسابك جديد ولسه ما اتقبلش. شوف الدخول بالدعوة.
🧪 نسخة تجريبية: فاضلك …	انت على التوليدات التجريبية، والرقم هو اللي فاضل منها.
✅ مشترك لحد …	اشتراكك شغّال لحد التاريخ ده، وجنبه استخدمت كام من حصتك.
➕ رصيد توليدات إضافي	عندك توليدات إضافية، وجنبها أقرب تاريخ بينتهي فيه رصيد.
⌛ اشتراكك انتهى	محتاج تجدّد عشان تكمّل التوليد. شوف الاشتراك والدفع.
⛔ الحساب موقوف	تواصل معانا من 📞 تواصل معنا.

لو عندك اشتراك ورصيد إضافي مع بعض، كل توليد بيتخصم من اللي هينتهي الأول، عشان ما يضيعش منك رصيد.

تحت في النافذة جدول طلباتك: كل تحويل بعته، بتاريخه والباقة والمبلغ ورقم العملية، وحالته:

⏳ بيتراجع — الطلب وصل وبنراجع التحويل.
✅ اتفعّل — الباقة شغّالة.
❌ اترفض — وتحته سبب الرفض. لو شايف إن فيه غلط، تواصل معانا ومعاك إيصال إنستاباي.

لينكات الشروط والأحكام وسياسة الخصوصية بتظهر في آخر النافذة أول ما تتنشر.